رَسانک نیوز

شمبهئے سُهبا ۵ هرداد ۱۴۰۳، هپت کس چه سلاهبندێن دُزّانی تیرگواریان یک لۆگئے سرا پهرئے تها سئوب بوتگ که کم چه کم یک کسے بێران و دو کس ٹپّیگ ببیت که اے ٹپّیگ بوتگێنانی تها یک جنێنے هم هست.

کُشگ بوتگێن جهمنندئے پجّار (دانیال اَبّاسی) دادمهمدئے چُکّ و پهرئے نندۆک گوَشگ بوتگ.

همے هالانی رِدا، کساس هپت نپر سلاهبندێن دُزّ، کساس ساهت دوا دُرزادهئے هئیابانا یک لۆگیئے سرا اُرش برتگِش که لۆگئے واهُندا دێمگیری کُرتگ و دُزّان لۆگئے مردمانی سرا تیرگواری کُرتگ.

اے تیرگواریئے تها دانیالا وتی ساه چه دستا داتگ و آییئے برات و مات ٹپّیگ بوتگ‌اَنت.

لهتێن چه هالان آتکگ که دو کس چه دُزان کُشگ بوتگ‌اَنت.

گوشگی اِنت که اے درگیری کساس یک ساهتے بوتگ گۆن بازێن گوانکان په امنیتی و نزامی نیروانی سرا، بله اے نهادئے نیرو جاهئے سرا هازر نبوتگ‌اَنت.