رَسانک نیوز

دوشمبهئے بانگواها ۳۱ اردیبهشت ۱۴۰۳، دُزێن سلاهبندێن مردمان چاه جمالئے دمگان پهرئے شهرا یک ماشینیئے نێمگا که آییئے تها یک لۆگیئے مردم سئوار بوتگ‌اَنت تیرگواری کُرتگ.

اے تیرگواریئے تها کَسے ٹپّیگ نبوتگ بله اشانی آماچ اشانی کُشگ و دُزّی کنگ بوتگ.

همے هالانی رِدا، اے وئیل کساس بانگواهئے ساهت یکا پێش آتکگ و اے لۆگئے مردم که یک پت و مات و یک چُکّے بوتگ‌اَنت که په مهمانیئے واستا وتی سیادانی لۆگا چاه جمالئے هلکا شُتگ بوتگ‌اَنت.

گوشگ ببیت که سلاهبندێن دُزّیانی گێشی و بلۆچستانئے جاه جاهانی ناامنی در هالے بئیگا اِنت که گوستگێن سالئے تها هزارن امنیتی و نزامی نیرو، نزامی ماشین و ملیاردها تومُن و پا امنیتی و نزامی نیروانی واستا چه هکومتئے نێمگا دئیگ بوتگ.