رَسانک نیوز

چارشمبهئے بانگواها ۲ هرداد ۱۴۰۳، گۆن نامالومێن سلاهبندێن مردمانی تیرگواریان سرباز و گورناگانئے راها، دو ٹێلکشێن بلۆچ ٹپّیگ بوتگ.

اے دوێن ٹپّیگ بوتگێن ٹێلکشانی پجّار (بهروز رئیسی) ۲۸ سالگ، سور کُرتگێن و (پرشید زاکری) ۲۳ سالگ، سور نکُرتگێن و هر دوێن شستونئے نندۆک گوَشگ بوتگ‌اَنت.

گوشگی اِنت نامالومێن سلاهبندێن مردمان کۆرشانئے هلکا چه مهرستانئے شهرئے دمگان، گورناگان و سربازئے راها په یک ٹێلکشێن ماشینیئے اۆشتارێنگئے واستا تیرگواری کُرتگ که ماشینئے نندۆکانی مردم گۆن تیرئے لگّگا پاد و کبدئے نێمگا ٹپّیگ بوتگ‌اَنت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.