رَسانک نیوز

جُمَه رۆچا ۲۸ اردیبهشت ۱۴۰۳، یک ۱۲ سالگێن کسانێن چُکّے درگسئے هلکا چه دشتیاریئے دمگان گانڈو اُرشئے آماچ بوتگ و چه پادئے نێمگا سکّ ٹپّیگ بوتگ.

اے کسانێن بلۆچێن چُکّئے پجّار (اَلی دهانی) ۱۲ سالگ، هُسئینئے چُکّ و درگسئے نندۆک چه دشتیاریئے دمگان گوَشگ بوتگ.

همے هالانی رِدا، اَلی درگسئے کئورئے کِرّا لئیبا بوتگ که گانڈوا اُرش برتگ و هلکئے مردم اَلیئے کمکئے واستا شُتگ و گانڈوِش تاچێنتگ و اَلیِش نجات داتگ.

اَلیئے هلکئے مردمان اَلی درگسئے درمانجاها بُرتگ بله پزشکی امکاناتئے نێستیئے سئوبا و بیماربرێن ماشینئے نێستیا، گۆن زاتی ماشینا چهبارئے نادراهجاها برگ بوتگ.

کوشگ ببیت که بلۆچستانئے تها گانڈوانی هئیک کنگئے وهد رَستگ و آیانی اُرُش برگئے اهتمال په اے دگه زندگ جانان گێشتر اِنت.