![photo_2024-05-15_23-37-58](https://rasanknews.com/wp-content/uploads/2024/05/photo_2024-05-15_23-37-58-678x381.jpg)
![](https://rasanknews.com/wp-content/uploads/2024/05/photo_2024-05-15_23-37-58.jpg)
رَسانک نیوز
جُمَه شپا ۲۱ اردیبهشت ۱۴۰۳، گۆن نامالومێن سلاهبندێن مردمانی تیرگواریان جالکئے شهرا گُلشنئے مرکزا، بلۆچ جهمنندے گۆن تیرئے لگّگا ساهی چه دستا داتگ.
اے کُشگ بوتگێن جهمنندئے پجّار (نادر میرمرادزهی)، دُرگۆشئے چُکّ، سیر کُرتگێن، چُکّ دار و جالکئے مردم گوَشگ بوتگ.
اے هالانی رِدا، سلاهبندێن مردم کساس ساهت ۲۳:۳۰ دکیکتا نادرئے راه که رئوگا بوتگ بستگِش و آییئے نێمگا تیرگواری کُرتگ که تیرئے لگّگا رَند وتی ساهی چه دستا داتگ.
چه جنۆکانی جنَگئے سئوبا تان رسانکئے نبیسگا هچ هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هستاِنت.
Be the first to comment