رَسانک نیوز

مرۆچی جُمَه ۲۱ اردیبهشت ۱۴۰۳، مئولوی اَبدلهمید اسماێل زهی، دُزاپئے جُمَهئے پێشنمازا، اے شهرئے کُتبهئے آسری وهدا  واننده و دۆستدارێن بلۆچ (بلال نسرویئے) کُشگ یک جُرم‌زانتی و جتایتے هساب کُرتگ و آییئے کُشۆکانی پَجّاه آرگئے لۆٹۆک بوتگ.

مئولوی اَبدلهمیدا وتی پرێشانی اے جاورئے بارئوا زاهر کُرتگ و گوشتی که اُگدهدار هر چے زودتر اے بُنگپا دُمبالگیری و رۆشن بکننت چیا که مشکل اِش اِنت که کُشۆک دزگیر نبنت و اے کار سئوب بوتگ که مردم گێشتر ناراز ببنت.

دُزاپئے جُمَهئے پێشنمازا گوَشت که اُمێت کنێن کسیا که اے جنابت کُرتگ و چانکویی (بلال نسرویئے) دلا جتگ، دستگیر و مجازات ببیت و اگن مردم چه کُشۆکا چیزے زاننت لازمێن همکاریان په کُشۆکئے درگێجگئے واستا بکننت.

گوشگ ببیت که سئے‌شمبهئے رۆچا ۱۸ اردیبهشت ۱۴۰۳، (بلال نسرویی) زاهدانئے نندۆک و ماروپێن واننده و دۆستدارێن بلۆچ، متهّریئے هئیاباتا و زرهی ۸۸ ئے لشکرئے دێما و اتلاهاتئے ادارهئے نزّیکیا گۆن چانکوئے گۆما نامالومێن مردمانی دستا اُرش کنگ بوتگ و بازێن ٹپّانے که آییئے جانا بوتگ‌اَنت وتی ساهی چه دستا داتگ.