رَسانک نیوز

چارشمبه رۆچا ۱۲ اردیبهشت ۱۴۰۳، دۆ کسانێن بلۆچێن چُکّ ۸ و ۹ سالگ، جُرئے هلکا چه دشتیارئے دمگان، رَند چه اشیا که آپئے تها کپتگ‌اَنت وتی ساهِش چه دستا داتگ.

اے دوێن کسانێن چُکّانی پجّار (باران دهکانی)، ۸ سالگ، تارکئے چُکّ و (مرجان هُدکامه)، لیاکتئے چُکّ و هر دوێن جُرئے هلکئے مردم چه دشتیاریئے دمگان گوَشگ بوتگ‌اَنت.

اے هالانی رِدا آتکگ، اے دوێن نۆدربر رند چه وانگجاهئے چُٹّی بئیگا په لئیبئے واستا همے جُهلانکی که هارئے آپئے سئوبا اَڈ بوتگ شُتێ و رَند چه کپگا بُکّ گپتگ‌اَنت.

گوشگ بیت که اے پێشامدئے گۆما و اے دوێنانی کشّگ چه آپا، یکیئے ساه گۆن سستی جنگا بوتگ و هلکئے مردمان اے دوێن سنگانئے نادراهجاها بُرتگ و پزشکئے نێستی و ائولی کارانی نبئیگ سئوب بوتگ که اے دوێن چُکّ وتی ساها چه دستا بدئینت.