رسانک نیوز

زیگێن بامگواها یکشَمبِها 19 پروردینا ماه 1403آ، دمگ گوهرکۆهئے سرتلان ٹێلکشێن گاڑیئے چپ بئیگئے سئوبا آس  گیپت دو بلۆچ ٹێلکش ٹپیگ و بێران بوتگ.

پجار بلۆچ ٹێلکشانی که سُتگگ اَنت، “وهید ساسولی”، 30 سال انتی گوَشنت دزآپئے جهمنند اِنت آییئے که ٹپیگ بوتگ گاڑیئے شاگرد انت تان انگت پکّاێن هالئے سرجم بچاری پکّا نه‌اِنت.

سربوتگێن هالانی ردا، گاڑی تویوتا  پیکپے بوتگ دمگ گوهر کۆهئے سرتلان چپ بوتگ. چپ بئیگئے سئوبا گاڑی آس گیپت گاڑیئے راننده آسئے جمبور بئیگئے سئوبا گاڑیئے تها بێران بوتگ شاگردی سک ٹپیگ بوتگ.

تێلکشی یکّے چه مهدود کاران اِنت که بازێن بلۆچ جهمنند مان بلۆچستانا  الکاپێن نبئیگا ناچار بنت که ٹێلکشی بکننت اے کارئے مُشکل باز انت، بازبری گاڑیانی ٹُکّر ورگ و چپ بئیگا  دێم په دێمێن تیر گواریا نیروان نزامی و  امنیتی آماچ اَنت بێران بنت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی پێشامدان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.