رَسانک نیوز

شمبهئے شپا ۱۹ هُرداد ۱۴۰۳، گۆن دو کئومئے جێڑه و درگیریا پشامگئے تها چه  راسکئے دمگان سئے کس چه دوێن کئومانی مردمان تیرگواریانی گۆما بێران بوتگ‌اَنت.

بلۆچێن کُشگ بوتگێن جهمنندئے پجّار (اَبدُلواهد دینارزهی) پکیر مهمدئے چُکّ، (ولی مهمد دینارزهی) اَلی مهمدئے چُکّ و (شهبێک الله زهی) اُمرئے چُکّ و هرز سئیێن سور کُرتگێن و چُنت چُکّئے پت و اشانی امرئے هساب ۴۰ تا ۵۰ سال و پشامگئے نندۆک چه راسکئے دمگان گوشگ بوتگ.

گوشگ بیتگ که جُمَهئے شپا گۆن بلۆچ کئومئے اسپێت ریشانی تۆکا آیگا، اے دوێن کئوم که چُنت سال اِنت جێڑهش بوتگ، په سُهل و سازشئے واستا نِشتگ‌اَنت بله اے منند بگئیر چه پسئوا تئوام بوتگ و دوێن کئومان سُهل نکُرتگ.

رند چه بێپسئوێن سُهلئے رۆچا، کساس رۆچئے اێر رئوگئے وهدا، درگیریئے تهد و دوێن کئومانی تیرگواریان، سئے کس چه دوێن کئومان تیرانی آماچ بوتگ و وتی ساهِش چه دستا داتگ.