رَسانک نیوز

شمبه ۹ تیر ۱۴۰۳، جکیکورئے هلکا چه راسکئے شهرئے دمگان نامالومێن سلاهبندێن مردمانی اۆٹئے سندوکانی ماشینئے سرا اُرش بُرتگ که دو کس چه نزامی نیروان کُشگ بوتگ و چار نزامی و بسیجئے نیرو گۆن یکّے چه پرمانداریئے کارندهان ٹپّیگ بوتگ‌اَنت.

اے اُرشئے بێران بوتگێن مردمانی پجّار، گروهبان یکم (مرمزی) آییئے هلکئے نام ناماوم اِنت و سرباز (جلیل) آییئے هلکئے نام ناماوم اِنت. ٹپّیگ بوتگێنانی پجّار (اَبدُلواهد بلکدر) (اَلی بلکدر) (مهمد یوسپ آسکانی) دراهێن چه بسیجئے کارندهان بوتگ‌اَنت، سرباز (اسلامی) و (اکبرزاده) چه راسکئے پرنانداریئے کارندهان بوتگ‌اَنت.

(انصار الفرقانا) اے کار وتی گردنا گپتگ و انصار الفرقانا پێسرا هم لهتێن اُرش بلۆچستانئے تها انجام داتگ.

گوشگی اِنت که سپاه پاسدارانئے رسانکان وتی رسانکانی تها جار جتگ و نبشتگش رند چه اۆٹئے تئوام بئیگا سندوک پرمانداریا برگ بوتگ‌اَنت که راهئے تها سلاهبندێن اشراران جکیگور و راسکئے راها  سندوکانی ماشینئے سرا  اُرش برتگ که اشیئے سئوبا دو کس چه ماموران سندونکئے رئوانگ کنگئے شهید و لهتێن بسیجی ٹپّیگ بوتگ‌اَنت.