رَسانک نیوز

سئے شمبه ۵ تیر ۱۴۰۳، سلاهبندێن دُزّانی تیرگواری یک سئواری ماشینیئے نێمگا په دُزیئے نیمّۆنا سئوب بوتگ که اے جهمنندێن بلۆچ ٹپّیگ ببیت.

اے جهمنندێن بلۆچئے پجّار (کامبیز کهرازهی)، اَبدُلباستئے چُکّ و واشئے نندۆک گوَشگ بوتگ که پادئے نێما تیری وارتگ و اے شهرئے نادراهجاها واپێنگ بوتگ.

همے هالانی رِدا، دُزّان واشئے انکلابئے هئیابانا رَند چه تیرگواریا و کامبیزئے ٹپّیگ کنگا آییئے ماشینش دُزّتگ و مردمان پلیسئے سرا گوانک کُرتگ، هچ نیروے جاهئے سرا نشتگ و دُز گۆن ماشینا اێرندگانئے نێمگا شتگ‌اَنت.

نزامے نیروان اے دُزیئے سرا چۆ بێپگریئے سرا کار کُرتگ که اێرندگان و واش و دُزآپئے سئے راهیا انچۆ راهتی سرا چه آیانی کِرّا رد بوتگ‌اَنت و آسرا اێرندگانئے مردمانی دستا و بازێن دُمبال دئیگا، مردمان دو کس چه اے دُزّان دستگیر و پاسگاهئے دستا داتگ‌اَنت.

گوشگی اِنت که دُزتگێن ماشینئے سرا جی پی اسئے نسب کنگا، بازێن کمکے در گێجگ و دُزئے ردگیریئے واستا کُرتگ.

گوشگی ببیت که دُزیئل باز بئیگ و ناامنی بلۆچستانئے جاه جاهان اے وڑا اِنت کهرَند چه آمێن کُشتارێن دُزآپئے هۆنێن جُمَها و رَند چه آییا مردمانی آمێن زهرشانی، هزاران نزانمی و امنیتی نیرو، نزامی ماشین و ملیاردان پول په امنیتی و نزامی نهادان چه هکومتئے نێمگا په مردمانی سرکوب کنگا هاس کنگ بوتگ.