رَسانک نیوز

چارشمبهئے رۆچا ۶ تیر ۱۴۰۳، میرجاوهئے هنگئے نیروانی کساس رۆتکئے هلکا یک گوزۆکێن تویوتاێن ماشینیا، بگئیر چه اۆشتارێنگ و هشدار دئیگا تیرگواری کُرتگ که سئوب بوتگ که یکّے چه ماشینانی نندۆکان ٹپّیگ ببیت.

اے ٹپّیگ بوتگێن جهمنندئے پجّار (اَبدُلهمید ریگی) ۵۵ سالگ، میرجاوهئے نندۆک گوَشگ بوتگ.

گوشگی اِنت که چارشمبهئے بانگواها میرجاوهئے هنگ مرزیئے نزامی نیروان یک زاتی ماشینیئے سرا دم په دمب راستێن تیرگواری کُرتگ و یکّے چه ماشینئے نندۆکان گۆن تیرئے ورگا چه وتی دێمئے نێمگا ٹپّیگ بوتگ.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.