رَسانک نیوز

یکشمبهئے رۆچا ۳ تیر ۱۴۰۳، یک جهمنندێن بلۆچے گلشنئے شهرا وتی لۆگئے دێما گۆن نامالومێن سلاهبندێن مردمان که موتورا سئوار بوتگ‌اَنت تیرانی آماچ بوتگ و گۆن چُنت تیرئے ورگا وتی ساهی چه دستا داتگ.

اے جهمنندێن بلۆچئے پجّار (اَلی رئیسی) ۲۱ سالگ، اَبدُلواهدئے چُکّ، گُلشنئے نندۆک گوشگ بوتگ.

گوشگی اِنت اِلی وتی نندگئے هلکئے تها وتی پتئے لۆگئے چُنت متریا نامالومێن سلاهبندێن مردمانی راستێن تیرانی آماچ بوتگ و گۆن ٹپّانے که تیرانی ورگا آییئے جانئے سرا بوتگ‌اَنت وتی ساهی چه دستا داتگ.

چه جنۆکانی جنَگئے سئوبا تان انّون هچ هالے دستا نکپتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.