رَسانک نیوز

دوشمبهئے رۆچا ۱۴ هُرداد ۱۴۰۳، اداره اتلاهاتئے زاتی درێسێن نیروان پهرهئے تها یک ماشینیئے نێمگا بگئیر چه اِشیا هشدار بدئینت تیرگواری کُرتگ که رَند چه اشیا که چه راها درآتکگ، راننده ٹپّیگ بوتگ.

اے وئیل کساس ساهت پنج و سی دکیکتا ولایتئے وانگجاهئے دێما بوتگ و وهدے بوتگ که اتلاهاتئے نیروان بگئیر چه پێسریگێن همشداران تیرگواری کُرتگ.

گوشگ ببیت که گۆن امنیتی بێکانونیێن تیرگواریان، اے ماشین رند چه اِشیا که چه وتی راها درآتکگ گۆن بُتنی دێمگیریا لگّتگ و سئوب بوتگ که راننده ٹپّیگ ببیت.

چه اتلاهاتئے امیتی نیروانی تیرگواریان هچ هالے نێست.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.