رَسانک نیوز
دوشمبهئے بانگواها ۷ هُرداد ۱۴۰۳، شستونئے تها ناهۆکئے هلکا، گۆن نامالومێن سلاهبندێن مردمانی تیرگواریان یک جهمنندێن بلۆچے گۆن تیرئے لگّگا بێران بوتگ.
اے جهمنندێن بلۆچئے پجّار (اَبدُلکریم پیرنژاد) ۲۷ سالگ، بیبگرئے چُکّ و سردشت نگارانئے هلکئے مردم چه شستونئے شهرا گوَشگ بوتگ.
چه جنۆکانی جنَگئے سئوبا هچ هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment