![photo_2024-05-01_08-56-35](https://rasanknews.com/wp-content/uploads/2024/05/photo_2024-05-01_08-56-35-678x381.jpg)
![](https://rasanknews.com/wp-content/uploads/2024/05/photo_2024-05-01_08-56-35-1024x1014.jpg)
رَسانک نیوز
شمبهئے شپا ۸ اردیبهشت ۱۴۰۳، بلۆچ جهمنندے گۆن یک سپاهیئے کارندهئے دستا راسکئے شهرا دو تیرئے آماچ کنگ بوتگ و سکّ ٹپّیگ بوتگ.
اے بلۆچ جهمنندئے پجّار (نێکی آسکانی) جلالئے چُکّ و هنگئے دمگانی مردم و راسکئے نندۆک گوَشگ بوتگ.
گۆن رستگێن هالا، سلاهبندێن مردا نێکئے لۆگئے دپا تیرگواری کُرتگ و نێکی همے تیرگوارئے سئوبا چه سێنگ و دستا تیرانی آماچ بوتگ و رَند چه اِشیا که راسکئے نادراهجاها رسێنگ بوتگ، بازێن ٹپانی سئوبا چهبارئے املم اَلیئے نادراهجاها برگ بوتگ.
گوَشگی اِنت که سلاهبندێن مرد بُن و بێهی پاکستانئے مردم اِنت و رَند چه تیرشانیان گار و گم بوتگ.
گۆن ۲۰۲۳ئے سالئے جم بوتگێن هالان، کم چه کم ۱۹۲ بلۆچێن جهمنند سلاهبندێن مردمانی تیرانی آماچ بوتگاَنت که آیانی تها ۱۵۰ کس بێران بوتگ و ۴۲ کس ٹپّیگ کنگ بوتگ. اے مردمانی تها پنج گوَنڈێن چُکّ و چار زالبۆل هم بوتگ.
Be the first to comment