رَسانک نیوز

مرۆچی ۲۱ پروردین ۱۴۰۳، جئیش الاَدلئے سلاهبندێن مردمانی تیرگواریا په چُنت نزامی گاڑیانی سرا سب و سۆرانئے تها، شش کس چه نزامی نیروان کُشگ و دو کس سَکّ ٹپّیگ بوتگ‌اَنت.

چه کُشگ و ٹپّیگ بوتگێن مردمانی پَجّارا تان انّون هچ هالے نێست و اے تیرگواریئے ٹپّیگ بوتگێن نیرو گۆن آمبولانسا نادراهجاها برگ بوتگ‌اَنت.

گوشگی اِنت که جئیش الاَدلا گۆن گوَنڈێن جاریا اے تیرگواری وتی گردنا گپتگ و نبشتگی که اے نزامی نیرو اتلاهاتی یک کاریئے نیرو و یگان ویژهئے نیروانی گۆما بوتگ‌اَنت که تیرانی آماچ بوتگ‌اَنت.