رَسانک نیوز
چارشمبه بانگواها ۱۵ پروردین ۱۴۰۳، سلاهبندێن دُزّان گورناگانی هلکا سربازئے شهرا سپاه پاسدارانی پاسگاهئے نزّیکا، دو ٹێلکشێن ماشین تیرانی آماچ کرتگاَنت و رَند چه اۆشتارێنگا، آیانی بارِش دُزّتگ و چه آ جاها تتکگاَنت.
گوَشگی اِنت مرۆچیگێن بانگواها سلاهبندێن دُزّان گورناگانی هلکا کساس سپاهئے پاسگاهئے نزّیکا گۆن راستێت تیرشانیان ٹێلکشانی ماشینانی ٹئیرانی نێمگا، ماشینِش اۆشتارێنتگ و رنَد چه بار و مالئے ئے دُزّگا بگئیر چه سپاهئے نیروانی تۆکا آیگا چه آ جاها تتکگ و شتگاَنت.
گۆن ۲۰۲۳ئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس بێران و ۴۲ کس ٹپّیگ بوتگ. اِشانی تها کم چه کم پنج کسانێن چُکّ و چار زالبۆل هست.
Be the first to comment