رَسانک نیوز

سئے شمبهئے رۆچا ۲۲ اسپند ۱۴۰۲، یک بے شناسنامهێن بلۆچے و چه مکّی مسیتئے نگهپانان که ۲۸ مهر ۱۴۰۲، امنیتی نیروانی دستا دُزآپئے تها آوار جنَگ بوتگ رند چه چار ماه و بیست و پنج که آییئے برابری ۱۴۵ رۆچ اَنت چه دزآپئے مرکزی بندیگا در کنگ و ڈنّی مردمانی اردوگاها برگ و پدا اپگانستانئے سیمسرا ڈنّا کنگ بوتگ.

اے بلۆچئے پجّار (هسن هانشینی [آنشینی]) گلامئے چُکّ و دُزآپئے مردم و چه مکّی مسیتئے انتزاماتا گوَشگ بوتگ.

گوشگی اِنت هسن جمهئے رۆچا ۲۸ مهرا، گۆن امنیتی و نزامی نیروانی اُرش برگا گۆن هژم گۆما آوار جنگ و گوستگێن رۆچا رند چه پنچ ماهئے گوَزگا بندیگئے تها، گۆن تلاهی کاٹئے گۆنیا پدا هم الگدیرئے ڈنی مردمانی اردوگاها برگ و رند چه آییئے هلکئے گِندُک کنگا اپگانستانئے سیمسرا راه دئیگ بوتگ.

گوشگی اِنت تلاهی کاٹ هما هدارُکی کاٹ اِنت که اے دگه سرڈگارانی مردم و جهمنندانے که آیانی پت ڈنی و ماتِش اێرانی ببنت دئینتی.