رَسانک نیوز

مرۆچی جُمَه ۱۱ اِسپند ۱۴۰۲، نامالوم سلاهبندێن مردمانی تیرگواریئے سئوبا سرجنگل هلکا چه دمگ دُزآپا بلۆچے بێران بوتگ.

اے جهمنندئے پجّار (اُسمان شه بکش) دُرمهمدئے چک اِنت، و دُزآپئے نندۆک اِنت.

گۆن اے رستگێن هالا، نامالوم سلاهبندێن مردمان سرجنگلئے آب نمائے نزیکا، اُزمانئے نێمگا تیرگواریِش کرتگ، که آییا بازێن ٹَپّانی سئوبا ساه داتگ.

چه جنَگئے سئوبا هچ هالے دستا نکپتگ.

گۆن ۲۰۲۳ئے جم بوتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که اِشانی تها ۱۵۰ کس بێران کنگ بوتگ و ۴۲ کس ٹپّیگ بوتگ. اِشانی تها کم چه کم پنچ کسانێن چُکّ و چار جنێن هم بوتگ.