رَسانک نیوز

آبانئے سئیمی رۆچا، یک بلۆچێن جهمنندے که په کارگریئے واستا رپسنجانا شُتگ بوتگ امنیتی نیروانی دستا دزگیر کنگ بوتگ و نامالومێن جاهے برگ بوتگ و گۆن چِل رۆچئے گوزگا انگت هچ هالے چه آییا نێست.

اے بلۆچێن کارگرئے پجّار “ابراهێم یارمهمدزهی”، ۳۸ سالگ، لال مهمدئے چُکّ، سور کُرتگێن و زاهدانئے نندۆک گوشگ بوتگ.

گۆن اے رستگێن هالا، ابراهێم په کارگریئے واستا مُدام کرمان و یزد و اسپهان شتگ و تا انّون هچ جُرمے چه آییا گندگ نبوتگ و آییئے دزگیری رپسنجانئے تها، بێسئوبا بوتگ و رپسنجانئے آمیدگسیئے سرمستر آییئے دزگیریئے سئوبا گوَشنت که آیی زاهدانئے زهرشانیان هئوار بوتگ و امنیتی نیروان  زاهدانئے تها، آیی وتی چمانی چێرا کُرتگ و رپسنجانئے تها دزگیر بوتگ.