پوریاگِرانی میان استمانی رۆچ مُراد بات.

رسانک/ هر سال مئیئے ائولی رۆچا  پوریاگِرانی روچئے یاتمان برجم دارگَ  بیت.

 پمێشکا اے رۆچا پوریاگرانی رۆچَ گوَشنت که 1 مئی سال 1886آ،بازێن پوریاگرے دست چه کارا کشّت و کار مهتل کرتنت. آیانی واهشت چه اے زهرشانیا اش ات که رۆچئے کاری ساهت که آ وهدا 10 اتنت کم کنگ و 8 ساهت په کارا بگیشّێننت و آیان گێشترێن وهدے په زندئے آدگه تک و پهناتان برسیت. ائولی مچّی امریکائے شیکاگئو نامێن شهرا برجم دارگ بوت. پلیس مردمانی اے زھرشانیئے سرا تیرگواریَ کنت و چه مچّیئے مردمان چنتے مردم کُشگَ بنت و چنتے هم زدگَ بنت؛ چار کس چه ھمے نارزاێن مردمان پاھئو دیگَ بنت.

مرۆچان په هما پوریاگرانی یاتمانا مردم دگّان درَ کاینت و رئوانکَ کننت. 

انچش که ماشما سرپد اێن دیما شتگێن ملکانی تها مرۆچیگێن درگتا ھکّ و مُزّ شرّیئے سرا دئیگَ بیت، بله مئے چاگردا پوریاتگرئے بُنی ھک مدام چه ھکومت، سرکار و زۆراکانی نێمگا ڈالچار کنگَ بیت، ھاس بلۆچستانئے پوریاگر چه اے بنی ھکّان زبهر کنگ بوتگ‌اَنت.

بێترانگ مبێن که مئے چاگردا گۆن انّوگێن اے نادراھیا بزان کرونایا جاور په پوریاگر و نێزگارێن مردمان سکّ نگێگ انت. کار و رۆزگارئے در بند بوتگ‌انت و چه سرکارئے نێمگا هچ پئیمێن کمک و مدتے نرسیتش.

اے کرونایی رۆچ په اێرانئے هکومتا مزنێن گَلے جۆڑ بوتگ، چیّا که مردم کرونائے پهرێزکاریانی سئوبا چه لۆگان درَ نئیاینت و زهرشانیئے مۆهَ نبیت.

امیت اِنت که پوریاگر په وتی ھکّ و اۆبالانی مۆکگا جُنزان ببنت.