کلات گنج ءَ چہ گاڑیانی ٹوکر ورگ ءُ بُن گِرَگ ءَ ساہ داتگیں دو ٹیلکشّئے پجّار زانگ بوتگ

رَسانک نیوز/ سئے شمبے 9 تیر ماہ 1405، کلات گنج ءَ سولان ءُ چاہ داد ھُدا ئے راہ ءَ دو نیسان باری گاڑیانی ٹوکر، گوں گاڑیانی لیٹ ورگ ءُ بُن گِرگ ءَ آسر بوتگ۔ اے ویل ءَ بیران بوتگیں دو ٹیلکشّئے پجّار کہ پت ءُ چُک بوتگ اَنت زانگ بوتگ.

رَسانک ءَ اے دویں بلوچیں ٹیلکشّانی پجّار «ازیزالرھمان دکالی»، کِساس 38 سالگ، پیروز ئے چُک (یوسپ)، آییئے نوک ورنائیں بچک «اِمادالدین دکالی»، کِساس 14 سالگ، بُندر ءَ پهرہ ئے ڈمّن زِلّهئے پیرانچ دمگئے نندوک زانتگ.

رَسانک ءِ ھال سرکنوکانی رِد ءَ، اے ویل ھماں وھدا پیش آتکگ کہ یکی چہ گاڑیانی ٹایر ترکّتگ ءُ چہ راہ ءَ ڈن بوتگ ءُ گوں آ دگہ گاڑی ءَ ٹوکری وارتگ۔ دمگ ءَ نندوکیں مردمان ءَ توانتگ یکّیں ٹیلکشّئے بے ساھیں جون ءَ چہ گاڑی ءَ ڈنّ بکننت ءُ دومی ٹیلکشّ ءَ ماں آسئے لپَکاں ساہ داتگ.