رَسانک/ اێرانئے جمهوری اسلامی رژیمئے رسانک و اُگدهدار گۆن بازێن جارے جتگِش و بلۆچستانئے زِرئے گێشیئے شرّی و پایده بارئوا بازێن درۆگے بندنت چۆ مُلکئے تها بێکاریئے گار بئیگ، ورگی آپئے سادر کنگ، برگ و گاز، شهرانی و نۆکێن کسانێن شهرانی اڈّ کنگا گپّ کننت که اِشان اێرانئے رژیمئے مردمانی گلاێنگئے واستا اِنت.

اے در هالے اِنت که بلۆچئے ورناه زندگ زندگا آسئے تها سُچگا اِنت و بلۆچانی چُکّ په پٹّے آپا هۆٹگ و گانڈوانی آماچا اَنت و بلۆچئے کئوم په گازئے واستا چُنت ساهت و چُنت رۆچ سپئے تها اۆشتیت و بلۆچستانا همے ائولی امکانات چۆ وانگجاه، نادراهجاه، درمانگاه، جاده و …. نێست.

اێرانئے جماوری اسلامیئے رژیم، گۆن پێشی شرتئے گۆما په (گئیر بلۆچێن کئومانی جاه دئیگ اے مُلکئے تها) هلکئے گێش بئیگ بدیانی گار کنگئے لۆٹئے دمبا اِنت در هالے که بلۆچانی پت و پیرُکی زمینان زۆرئے گۆما بارت و بلۆچستانئے زرئے گێشیئے پروژهئے سرا کارا اِنت.

بلۆچستانئے گێش کنگ گۆن گئیر هلکی مردمانی گۆما اے وت ایرانئے جماوری اسلانیئے رژیمئے پگر و آییئے هئیالا پێش دارگا اِنت. جمهوری اسلامیئے رژیم بلۆچستانئے مردمانی گێش کنگئے گۆما دِلمانگ‌اِنت که بلۆچستانا چُنت اُستا کپّ و چُنڈ بکنت و چُنت ملیون گئیر بلۆچ ادا جاه بدنت و گۆن اے کارا لۆچئے دۆد و ربێدگ و نشانا چه اێرانئے جگرافیایا (جغرافیا) گار بکننت.

بلۆچستانئے تها انچێن مزن چێرێن چیز هست که نه بس بلۆچئے کئوم، بلکێن چُنت ملیون کس گۆن اے پتانسیلا کارئے سرا شُت کننت و گهترێن زندگیئے په جۆڑ کُرت کننت، بله بله زۆرآرتێن گریبی په بلۆچئے کئومئے سرا، مرکز گندێن هکومتئے دیدانکا، یکێن کرنئے تها په بلۆچێن مردمانی واستا پێش دارشتگ که اے هکومت هجبر بلۆچستانئے تها آبادی و گێشی نئیارنت و اے پروژه یک نیمّۆنے په بلۆچانی دۆد و ربێدگ و نشانئے گار کنگا.