رَسانک اھوالانی رِدا، یکشَمبِهئے رۆچا بێگاهئے وھدا 3 دی ماه 1402آ، دُزّاپئے شهرئے دَمگ شێرآبادا پیر بکش دَگا (خیابان) سِلاهبندێن مردمان اُرش کرتگ و گۆن کارچا یکّ بلۆچے چه گردنا (ناحیه) ٹَپّی کرتگ، آ ٹپّانی دردان سِگّت نکنت و بێران بیت.
اے واجهئے پجّار “امید رودینی”، ۲۲ سالگ، نَهیمئے چُکّ اِنت، سور نکرتگ. بُندرا سیادکئے هلکئے مردم اِنت. گوشگ بوتگ انوگان و دُزآپا شهرا، شێرآباد دمگا نندۆک بوتگ.
سر بوتگێن هالان ردا، کساس شپئے یازدها، ناشناسێن مردمان امیدئے سرا اُرش بُرتگ و آییئیگ چه گردنا ٹپّیگ و زدگ کرتگ و مردمان په نادْراهجاها سر کرتگ بله چه بازێن هۆنرێچیا نمنتگ و بێران بوتگ.
انگت چه جنۆکانی پجّارا، و سئوب جنگا هچ هالے نێست.
Be the first to comment