رَسانک نیوز/ یکشمبے 25 مرداد ماہ 1405 ءِ شپ ءَ، لاشار ئے ھریدوک دمگ ءَ سئے بااسریں مردمان ءَ بلوچی آوار جتگ ءُ چہ دمگ ءَ ڈنّ برَگ ءَ رَند، سکّ ءَ لٹ ءُ شاپ اِش کرتگ.
رَسانک ءَ اے بلوچئے پجّار «زاھد پرورش»، 32 سالگ، آروس کرتگ ءُ زھگانی پت، لاشار ئے ھریدوک دمگئے نندوک زانتگ.
رَسانک ءِ ھال سرکنوکانی رِد ءَ، سئے نام گرَگ بوتگیں مردماں کہ چہ دمگئے بااسریں، شوندارین ءُ شهدربر جاھا وانوکیں ٹولییا بوتگ اَنت، پہ زور زاھد ءَ وتی گاڑیئے پدئیں ڈبّها مان کرتگ ءُ چہ دمگ ءَ ڈنّ بُرتگ.
ھال سرکنوکان ءَ گوَشتگ رَند چہ اشیا کہ زاھد پرورش چہ دمگ ءَ ڈنّ بَرَگ بوتگ، آییئے سرا کارواییا سردیں سلاہ (کارچ) کارمرز کنگ بوتگ.
ھال سرکنوکانی رِد ءَ، لٹ ءُ کُٹّئے شونزیں پد ءُ نشاں آییئے جان ءِ سرا درا بوتگ ءُ جاہ آتکگنت، ھمے وڑا آییئے دیم گژّتگ ءُ کارچئے پَد دل بند ئے سرا ایئر بوتگ. کارواییا رَند نام گِرَگ بوتگیں مردمان ءَ پدا زاھد دمگ ءَ بُرتگ ءُ یلہ داتگ. چہ بازیں ٹپّان ءُ کارچئے بوھگئے سئوب ءَ پہ درمان ءَ گِہ ئے نادراہجاہ ءَ سرکنگ بوتگ.
رَسانک ءِ ھال سرکنوکانی رِد ءَ، زاھد ئے لوگئے مردماں رَند چہ کسّهئے سهیگ بئیگ ءَ اے مردمانی کہ ھماں دمگئے نندوک اَنت شکایست اِش کرتگ. ھال سرکنوکان ءَ گوَشتگ زاھد پرورش چہ دمگئے تنگدست ءُ بزّگیں مردماں زانگ بیت.
Be the first to comment