ھیرمند ءَ سلاہ بندین ءُ پجّار نہ بوتگیں مردمانی تیرگواری ءَ دو بلوچ ٹپّیگ بوتگ

رَسانک نیوز/ شمبے 6 تیر ماہ 1405 ءِ بانگواہ ءَ، ھیرمند ءِ دوست‌مهمد شهر ءَ سلاہ بندین ءُ پجّار نہ بوتگیں مردماں گاڑییے پدا کپتگ ءُ تیرگواریش کرتگ۔ جاھا اُوشتوکیں دو بلوچ ءَ تیر وارتگ ءُ ٹپّیگ بوتگ اَنت.

اے دویں بلوچانی پجّار کہ ویلئے جاھا ماں درمانجاھی ءَ کارمند اَنت «مهمدامین نادری»، 19 سالگ ءُ «امیرھسن کلجایی»، 17 سالگ زانگ بوتگ.

اے ھالئے رِد ءَ، سواری گاڑییے نندوکیں مردماں کہ دومی گاڑییے پدا بوتگ اَنت، ھمے دوران ءَ تیر گواریش کرتگ کہ دمگ ءَ اُوشتوکیں دو بلوچ ءَ تیر وارتگ ءُ ٹپّیگ بوتگ اَنت۔ ٹپّیگ بوتگیں دویں مردم پہ درمان ءَ نادُراہجاہ ءَ سرکنگ بوتگ اَنت ءُ آیانی جان دُراھییے بارئوا گیشتریں ھالی دست نہ کپتگ.