پُشتا نکنزئے مئولانا
واجه هکّ نرسیت‌‏اِن ارزانا
میرێن همّلئے بچّ ائے تئو
چَمّ و چراگ ائے بلۆچانا

راهے تئو زرتگ دۆداێن
گئیرتئے براه ائے پکّاێن
نۆکێن هئیالان تئی نازێنان
داشتگئے میری مئیدانا

مرکا مڑاے گۆن کرتگ
راجئے بچّان نهنگێنان
مئے بالاچان جکسێنتگ
دژمنئے شِرّێن لۆگارا

مُلکا نون کپتگ آشۆپے
گرند و گِرۆکێن پاکۆبے
بلّ که چۆ نپتا سۆچان ان
آچشی جانا مئے سۆبے

گُشنده (خواننده): علی میرکازهی
شئیر: ا. بلۆچ-علی میرکازهی
میوزیک کامپۆزر: شالم زئیوی‏اِر
بلۆچی دایرکشن: غلام محمد سوری زهی