رَسانک نیوز

مرۆچی شمبه ۲۵ پروردین ۱۴۰۳، یک پژو ۴۰۵ێن نامالومێن ماشینئے نندۆکێن مردمان، یک نۆک پێداگ بوتگێن چُکّے اسلام آبادئے هلکا چه زرآبادئے شهرئے دمگان، مسیتئے دێم شۆدئے کِرّا وئیل کُرتگ و چه اۆدا شتگ‌اَنت.

گۆن همے رستگێن هالا، وهدے که هلکئے مردم په نمازئے واستا مسیتا شتگ‌اَنت، یک ۴۰۵ێن پژوے دیستگِش که یک نۆک پێداگ بوتگێن چُکّے کارتونئے تها اێر کُرتگ و مسیتئے دێم شۆدئے کِرّا وئیلِش و چه اۆدا شتگ‌اَنت و هلکئے مردم وهدے که چه مسیتا در کاینت یک چُکّی تئواریا اِشکننت و اے چُکّش گۆن همے هالا درگێپتگ.

گوَشگی اِنت که اے کسانێن چُکّ په آییئے بهداشتی و ورگی کارانی واستا یکّے چه هلکئے مردمان دستا دئیگ بوتگ.