رَسانک نیوز

چارشمبهئے رۆچا ۱ پروردین ۱۴۰۳، یک تویوتا ٹێلکشێن گاڑئے گۆن چپ کنگا، واش و شستونئے راه دو جهمنند که راننده و آییئے همراه بوتگ‌اَنت ٹپّیگ بوتگ‌اَنت.

اے دوێن ٹێلکشانی پجّار (کیها) انت و زابلئے نندۆک اَنت.

گوشگی اِنت که اے دوێن ٹێلکشێن گاڑئے واتر کنگئے راها چه شستون ،واشئے ۲۵ کیلومتریا پسکۆهئے جادها، رانندهئے ژندی و واب کپگئے سئوبا چه جادها درآتکگ و رَند چه پُهلئے لگّگا چپّ بوتگ که راننده و آییئے همراه ٹپّیگ بوتگ‌اَنت که شاگردئے هال چه دێمئے نێمگا ٹپیگ و هراب گوَشگ بوتگ.

گوشگی اِنت که گوستگێن سالئے جم کرتگێن هالانی تها چۆ گوَشگ بوتگ که ۲۰۲۳ئے سالئے تها کم چه کم ۳۲۱ ٹێلکش نزامی نیروانی راستێن تیرشانیان، جادهی پێشامدان، نامالومێن سلاهبندێن مردمانی تیرگواریان، هار و آس سۆچیانی تها کُشگ و ٹپّیگ بوتگ‌اَنت.