رَسانک نیوز

چارشمبهئے شپا 1 پروردینئے 1403آ، جکیگورئے یگان تکاوریا شهرستان راسکئے ٹێلکشێن گاڑیانی نێمگا تچگا تیرگواری کرتگ، گاڑیئے گازائیلئے مشک دریت مزن راهئے شنگ بنت، گازائیلانی رێچگئے سئوبا بازێن گاڑیے ٹُکّر وارتگ و مزن‌راه اۆشت وئیلئے آماچ بوتگ‌. همے وئیلئے دئورانا یک ۱۸ سالگیێن بلۆچ ورنائے بیران بیت و دگه دو کس ٹپّیگ بنت.

اے بلۆچ ورناهئے پجّار (مبین اشرپ زهی)، ۱۸ سال انتی، الیاسئے چُکّ، نۆدربر، دربزیرئے مێتگئے، راسکئے دمگانی نندۆک انت.

چه آ دگه دوێن ٹپّیگ بوتگێن جهمنندان که گوَشگ بوتگ یکّے مبینئے ناکۆ اِنت هچ هالے دستا نرَستگ.

زلوری اِنت گوشگ ببیت یگان تکاوریئے جکیگورئے اے نارهبندێن کارئے سئوبا بازێن گاڑیے گۆن یکدگرا ٹُکّر ورگئے وئیلئے آماچ سجّهێن راسک و چهبارئے مزن‌دَگ اۆشت آماچ بوتگ.