رَسانک نیوز

سئےشمبه رۆچا 29 اسپند 1402آ، نزامی امنیتی نیروان دزاَپا دمگ پوگی هاجی آبادا مزن راها اُرد جتگ، رند چه اشی که خارک ٹاێرانی چێرا رئوگئے دئورانا دئور داتگ دێم په دێما تیرگواری کرتگ، سئوب بوتگ گاڑی آس بگیپت دو کس ٹپیگ ببیت.

دوێن بلۆچێن براتانی پجار، “باسێت و سالهنژاده،” 25 سالگے، دَواری کرتگ، دو چُکئے پت اِنت، اسماێل  سالهنژاد” تکریبن 18 سال انتی دَواری نکرتگ هر دوێن مهمد هُسێنئے چه چُک اَنت و دمگ شێرآباد و شهرا دُزاپئے نندۆک اَنت.

سربوتگێن هالانی بنیادا، تان انگت اے دۆێن برات گهتریئے هال نێست سۆچگئےِآماچ بوتگ‌اَنت هر دۆێنانی جسمی جاور ناجۆڑ و نگێگ اِنت، اَنگت دزاَپائے امام الیئے نادرهجاها هاسێن واڑا چار و وار بستری اَنت.

اے وئیل دئورَ بر ساهت 12:30 دکیکتا نێمرۆچا کپتگ، اێرانئے اسلامی جمهوریئے سرکارئے مردمان گاڑی گۆن بوتگ که آییئے نمبر پلێٹ زاتی بوتگ کۆشش‌اش که ٹلکشێن گاڑیئے دێما بگرنت به اۆشتارێنت بله ٹێلکشێن گاڑی نه‌اۆشتاتگ آیان گاڑیئے ٹاێر دێم په دێم تیر کرتگ و تیر باک تیر وارتگ و آس گپتگ.

گوَشگی اِنت وهدے که ٹێلکشانی گاڑی آس گیپت، رژیم سپاهیگ بیا انت کمکے بکننت گاڑیئے مردمان چه آس گرگا برَکّێننت، چه اے وئیل جاگها تچنت و وتا گار و تۆر کننت.

گوشگی اِنت که گۆن گوَستگێن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، دگانی وئیلان، ناشناس سلاهبندێن مردمانی تیرگواریان، هار آماچ و آسانی تها سۆچگ، بێران و ٹپّیگ بوتگ‌اَنت.