رَسانک نیوز

جُمَه رۆچ 25 اسپند ماهئے 1402، دو ٹێلکشێن گاڑی شاک په شاک ڈیکّرش وارتگ، چه اے ٹێلکشانی وئیلا دو بێران یکّے ٹپیگ بوتگ.

چه اے بێران بوتگێنان یکّێئےِ پجار “اسمائیل شهنواری” اِنت شابانئے چُکّ انت، گوَشگ بوتگ واشئے جهمنند اِنت.

تان اے درگتا یکّے چه بێران بوتگێن و انچش چه ٹپیگێنا اَلّمێن هالے نێست.

گوشگی اِنت که گۆن گوَستگێن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، دگانی وئیلان، ناشناس سلاهبندێن مردمانی تیرگواریان، هار آماچ و آسانی تها سۆچگ، بێران و ٹپّیگ بوتگ‌اَنت.