رَسانک نیوز

دوشمبهئے رۆچا ۲۱ اسپند ۱۴۰۲، یک ٹێلکشێن مُتُریئے ڈیکّر ورگ گۆن یک رهگوَزێن ماشینیا سیرکانئے هلکا بمپشتئے دمگان شستونئے شهرا، یک ٹێلکشێن چُکّے سکّ ٹپّیگ بوتگ و نادراهجاهئے هاسێن نێمگا واپێنگ بوتگ.

اے چُکّێن ٹێلکشئے پجّار (سلمان بلۆچزهی)، ۱۶ سالگ، اَبدالکریمئے (کریم جان) چُکّ اِنت شستونئے شهید سدوکیئے ائولی دبیرستانئے وانۆک و شستونئے نندۆک اِنت.

گوَشگی اِنت که سلمان وانگجاهئے چُٹیا رند سیمسرئے دمگان رئوگا بوتگ که سیرکانئے هلکا شستونئے دمگان گۆن یک ماشینیا ڈیکّر وارتگ و سکّ ٹپّیگ و شستونئے نادراهجاها برگ بوتگ و بگئیر چه اِشیا که آییئے پادئے هڈّ گۆن ماشینئے لگت کنگا هلاس بوتگ‌اَنت، آییئے پاد هم زلور کهت کنگ ببیت.

گوشگ ببیت که گوستگێن سالئے جم کُرتگێن هالانی تها چۆ آتکگ که، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن نیرشانیان، رۆڈی پێشامدان، نامالومێن سلاهبندێن مردمانی تیرگواریان، هار و آس گپتیان کُشگ و ٹپّیگ کنگ بوتگ‌اَنت.