رَسانک نیوز

دوشمبهئے رۆچا 21ئے اسپندئے 1402آ، “مهدی سجادی” جَمهیت هلال اهمرئے بلۆچستان و سیستانئے سرمسترا وتی درشانێا گوَشتگ که سیئلاپا چه بلۆچستان و سیستانا، انگت تان 13 هزار و 591 کهۆل هۆر گۆن 59 هزار و 287 نپر هارئے آماچ بوتنت.

گوَشگی اِنت هار و هرگ بلۆچستانا، چه شش اِسپندا بُنگێج و سَد سررێچ هارا اترداتگ کشت و کِشاری ڈگاران دگه زیرساختی بهران اے ولایتا بے کِساس نُکسانَ داتگ.

هالانے سر بئیگا اَنت که گوَشگا اَنت اے مزنێن هاری هئور سئوب بوتگ 16 شهر و 1947 مێتگ بلۆچستانا آپئے چێرا اَنت تان انگت راه و رَهبند و رئوگ و آیگی راه و پُلّانی پُرۆشگ،لۆگانی آپئے چێرا رئوگ و انچُش سدانی انبار بوتگێن آپ سررێچ اَنت سجّهێن زِربار بلۆچستان آپئے چێرا اِنت.

زلوری اِنت گوشگ ببیت اَبێد چه نُکسان و وئیرانیان هارا مان بلۆچستانئے شهر و مێتگ داتگ، و انچُش بازێن مردمے اے هارا برتگ نُکسانئے آماچ اَنت اے نُکسانئے آمارے چه جهموری اسلامئے اێرانئے سرکارئے نێمگا دئیگ بوتگ گێشتر اِنت، رژیمئے کارامدی بلۆچستانئے دمگا چه اُگدَهدارنی دێرا ساڑی بئیگ، مردم چه رژیمئے نێمگا نارزا و گله مند اَنت، و اگن بلۆچ مردمانی و ٹێلکشانی کُمک په وهد سر مبوتنت مردم گێشترێن مشکلاتے دُچار بوتگ‌اَنت.