رَسانک نیوز

گوَستگێن رۆچا یکشَمبِها ۳ دی ماه ۱۴۰۲، زۆرانسری آوار جتَگنانی بگیریا مزنێن پندی رئوانکئے (لانگ مارچئے) وھدا دزگیر کنگ بوتگێنان 160 نۆدربر شپا یله کنگ بوتگ‌اَنت، بله داکتر زھیرا  هئوارا 100 کَسا گێش نۆدربر انگت پُلیسئے دستا اَنت، چه اشان دگه لهتێن تنینگه بێگواه اَنت.

آیان گْوشتگ که اسلام آباد پُلیسا مارا و رسانکدرا راستێن سرپدی دئیگ نبوتگ، وھدے که داکتر زهیر بلۆچ بێگواه اِنت، مارا آییئے زندمانئے پکر اِنت.

زانگ نبیت که گوشتگ رۆچان اسلام آبادا پُترگ و دزگیریا پد پاکستانی هکومت و واکداران سرجمێن جهانا اێرجنیئے نشانگ بئیگا اِنت ناروے و یورپی یونینئے سپیر پاکستانا پُلیسئے گامگێج اێر جتگ اَنت.

یوروپی ادارهانی نێمگا پاکستان سرکارئے سرا زۆر دئیگ اَنت که بلۆچ زهرشانی کنۆکانی بگیریا تاکتئے کارمرز کنگا بند بکنت و دزگیر و بندیگ کرتگێن زھرشانی کنۆکان زوت دێما بیاراَنت.

دومی نێمگا اسلام آباد لانگ مارچا هئوارێن مردمانی سرا لَٹ کُٹ و دزگیریانی بگیریا سرجمێن بلۆچستانا زھرشانی برجاها اَنت.