رَسانک نیوز، بلۆچ چُکچێنیئے بگیریا مزنێن پندی رئوانک (لانگ مارچ) هئوارێن مردمان سئےشمبهئے رۆچا تونسه شریپا مزنێن کچێا مردمان وش آتک کرتگ “راجن پور تان ڈی جی ھان بلۆچستان” و بلۆچ چُکچێنی بند کنگئے ناراہ جنگ بوتگ.
ھمے میانا وش آتکی مُچیا چه داکتر مهرنگ بلۆچا تران کنانا گوشتگ که مئے درد یک اَنت یک زمینێئے مزلوم اێن.
آییا گوشتگ که کۆه سلیمانا ابێد بلۆچستانا ناسرجم اِنت. مارا یکجاہ بئیگئے زُلمئے بگیریا جُهد کنگی اِنت.
تربت و شالا هئوارێن مارچا زۆرانسری آوار جنگ بوتگێن مردمانی کهۆلان گوشتگ که کۆه سلیمانئے بلۆچان مارا بێکساس مهر داتگ و گۆن ما ھئوار بوتگ اَنت.
آییا گْوشتگ که چه مێتگان مردم بیا اَنت مئے دردان بهر بکننت. آیان گوشتگ که ریاستی اڑانا اَبێد مردمانی مزنێن کچێا بهر زرتگ.
Be the first to comment