رَسانک نیوز
مرۆچیگێن بانگواها ۲۴ آزر ۱۴۰۲، یک بلۆچێن زندانییئے اێدامیئے هُکم که چه چارشمبه ۲۲ آزر په هُکمئے اجرا کنگئے واستا اێوکێن سلولئے تها برگ بوتگ اجرا کُرتگِش.
هال وش، اے جهمنندێن بلۆچئے پجّار “داوود براهویی”،۴۱ سالگ، اَلیئے چُکّ، سور کُرتگێن و چار جنێن چُکّئے پِت و زاهدانئے نندۆک گوشگ بوتگ.
گۆن رستگێن هالانی رِدا، داوود ۱۴۰۱ئے سالا، گۆن مئواد مخدرئے جُرما کُمئے تها دزگیر کنگ و اے شهرئے انکلابئے آمیدگسا اێدامئے هُکما مهکوم کنگ بوتگ.
گوشگ بیت داوودئے هلکا آسری گِند و نند آییئے گۆما کُرتگ. داوودا کُران زندانئے تها یات کُرتگ و زندانئے تها کُرانئے معلم بوتگ و بَکشِش و ماپ بئیگئے جاوری بوتگ بله اے سۆب چه آییا گِرَگ بوتگ.
آییا زندانئے تها هم لۆٹتگ په وتی اعضایئے ٹێکیئے واستا وتی ناما بنبیسیت تا آییئے جانئے اعضا نادراهجاها ٹێکی ببنت.
گوشگی اِنت که داوود بِنزیئے راننده بوتگ و آییئے هلکئے مردم باڑهئے سرا نشتگ‌اَنت اے وهدئے تها تئوامێن وتی هست و نێستِش په وکیلئے واستا هرچ کُرتگ‌اَنت، بله وکیلا وتی کار گۆن شرّیئے سرا نکُرتگ همے واستا آییئے اێدامئے هُکم رَند چه یکسالے اجرا کنگ بوتگ.
Be the first to comment