رَسانک نیوز
سئے شمبه ۱۳ آزر ۱۴۰۲، دو جهمنندێن بلۆچ گۆن نامالومێن مردمانی تیرشانیئے سئوبا بنپورئے تها یک دُکّانیئے تها تیرانی آماچ کنگ بوتگ که یکّے چه آیان ٹپّیگ و دگه یکّے بێران بوتگ.
بێران بوتگێن جهمنندئے پجّار “مهسن هیئیدر نژاد”، دلگانئے نندۆک و ٹپّیگ بوتگێن جهمنندئے پجّار “اَبدی دلگانی” گوَشگ بوتگ.
گۆن اے رستگێن هالا، اے سلاهبندێن مردم مُهسنئے دُکانئے دپا شتگ‌اَنت و گۆ یک تیرئے جنگا مُهسنئے نێمگا، آیی و دگه یک جهمنندے که دُکّانئے تها بوتگ تیرانی آماچ بوتگ و چه اۆدا شُتگ و گار بوتگ.
چه جنۆکانی سئوبا هچ هالے انگت نرستگ.
Be the first to comment