رَسانک نیوز، مرۆچی 4 آذر ماه 1402 اِنت. بندرکرگانئے نزامی نیروهانی اُرُش و دێم په دێمێن تیرگوار سئوب بوتگ بازێن بلۆچ جهمنندے زدگ و ٹَپّی بوتگ، بندرکرگان مینابئے زِلهئے اِنت.

رستگێن هالانی ردا، باوجودے که گۆن سرکارئے سپاهیگان مردم لٹ و شاپ، ٹَپ و ٹۆر کرتگ‌اَنت، پدا اۆدئےجهمنند ان جنێن و کۆدکێن ناسزا گوشتگ و آیان تئوهین کرتگ.

انچش گوشنت که اے سرکارئے سپاهیگان لهتێن مردمئے سرا که یک مَسیتئے تها پناه برتگ، پد هم آیان سرا اُرُش کرتگ و بازێنے چه آیان ٹَپّی و زدگ کرتگ.

تان انگت شهرئے ماهۆل سک نگێگ و جاور زبر نه‌اَنت سرکارئے سپاهیگ بے اشی که مردمان جهمنندان بگوشنت پرچا اے کارا کنێن شمئے موتوران دارێن گۆن آیان سک بدرپتاری کننت.

اے هم گوشگی اِمبریگێن سالا نزامی نیروهان بازێن مردمێئے سرا گیاوان زمینا بێڑ برتگ مال مڈی بۆجیگ و یکدار برتگ و هراب کرتگ.