رَسانک نیوز

یک بلۆچێن جهمنندے، دئوائے نبئیگئے وجها په مالاریا مگزیئے درمان کنگئے واستا وتی جانی چه دستا داتگ.

این جهمنندێن بلۆچئے پجّار “اُمر دینارزهی”، ۲۶ سالگ، اَبدُالکریمئے چُک، اَبترئے هلکا اێرانشهرئے دمگانی نندۆک گوَشگ بوتگ.

گوشگی اِنت که درمانی بُنهشتئے نێستی و وزارت بهداشتئے ناهئیالی په مالاریا بیماریئے درمان کنگئے واستا، جهمنندانی بێران بئیگئے سئوب بوتگ.

انچُش ناداریئے سئوبا که اێرانئے جمهوری اسلامیئے رژیما مردمانی سرا آورتگ، مردمان اے تئوان نێست که مجهزێن نادراهجاهان برئونت.

گوشگی اِنت که پێسرا هم په اے سئوبا که سیه مارئے دئوائے اُستانئے تها نبوتگ بازێنے چه جهمنندان وتی جان چه دستا داتگ.