رَسانک نیوز

پنجشمبه ۲۵ آبان ۱۴۰۲، مئولوی مهمد تئیب اسماێل زهی، مئولوی اَبدالهمیدئے چُک، زاهدانئے جُمهئے پێشنمازا وتی اینستگراما  چه وزارت اتلاهاتئے اڈ کُرتگێن پروندها گوشتی: پدا هم لاچارێن اکرار و رسانکدَری درۆگ! چه انّون رَند هر پێشامدے منی سرا آتک گُڑا بزانێت که آییئے سئوب (اطلاعات) اِنت.

گوشگی اِنت که گوستگێن رۆچان ۲۴ ئے آبان ماه، اتلاهاتئے وزارتا اڈ کُرتگێن کسّهے چه مئولوی همیدالاه پاروکی و آییئے پتا، مئولوی اَبدالسلام پاروکی زۆرێن اکرارِش گپتگ و اکرارئے ویدیئوَش هکومتی رسانکدَران شِنگ و تالان کُرتگ.

اے ویدیئو و اڈ کُرتگێن کسّهئے تها، گۆن لامالومی و نازانتیئے گۆما مکّیئے کارنده و هاپز مهمد تئیب اسماێل زهیِش گئیر کانونی  بُهتامان استارلینکئے آرۆکئے سرمسترش کُرتگ.

گوشگی اِنت که مئولوی اَبدالهمیدئے دَپترا رند چه اے شِنگ بوتگێن گپّا “استارلینکئے راه داتگێن دزگاه چه آمریکا په مئولوی اَبدالهمیدئے دپترا” درۆگی گوشتگ و مئولوی اَبدالهمیدئے جِندا اے گپّ جمهئے نمازا ۱۹ آبانا یک درۆگ و بهتامے اێلام کُرتگ.