رَسانک نیوز/ جمے روچ 12 تیر ماہ 1405، گِہ ءَ دھاں امنیتی ءُ نزامی کارندگان ءَ پُرّیگیں لوگئے سرا اُرش ءُ بید چہ کئسور ءُ مئیار ئے گوَشگ ءَ در چہ سرکار ئے ھُکما بلوچی ءَ دزگیرش کرتگ.
رَسانک ءَ اے بلوچئے پجّار «مُجتبا بلیدہ»، زمان ئے چُک، کسرکند ئے ساربوگ دمگئے نندوک زانتگ.
رَسانکئے ھال سرکنوکانی رِد ءَ، اے بلوچ ماں گِہ ءَ گوں چیریں ادارہ، سپاھئے چیریں ادارہ ءُ نزامی ٹولییے ھوریں کاروایی ءَ دزگیر کنگ بوتگ ءُ پہ چیریں جاگهی ءَ شور دئیگ بوتگ.
ھال سرکنوکانی گُمان اِشنت کہ مجتبا ئے ھوری ءَ لهتیں دگہ بلوچ ھم دزگیر کنگ بوتگ، بلے داں انگت ءَ رَسانک ءَ نہ توانتگ اے ھالا تسدیک بکنت ءُ اے بارئوا کئیل ءُ چار برجاہ اِنت.
گوَشگ لوٹیت کہ زی سباہ ءَ 13 تیر ماہ ءَ امنیتی ٹولییا کسرکند ئے ساربوگ ءَ اُرش کرتگ ءُ مُجتبا ئے برات «میلاد بلیدہ» ءَ گوں «نورمهمد رئیسی»، نامیں مردمئے ھوری ءَ کہ کسرکند ئے ھمیری دمگئے نندوک اِنت دزگیرش کرتگ.
رَسانک ءَ پیشترا اے ھال شِنگ کرتگ، داں انگت ءَ اے مردمانی دزگیر کنگئے پُژدر ءُ آیانی سرا بستگیں بُهتان زانگ نہ بوتگ.
Be the first to comment