رَسانک نیوز/ دوشمبے 8 تیر ماہ 1405 ءِ شپ ءَ، شستون ءَ سلاہ بندین ءُ بے پجّاریں مردمانی رئوکیں پراید گاڑییے سرا تیرگواری ءَ کُشگ بوتگیں نزامی کارمند ئے پجّار زانگ بوتگ.
رَسانک ءَ اے نزامی کارمند ئے پجّار «امیرھسین اربابی»، بُندر ءَ زابلئے نندوک زانتگ.
رَسانک ءِ ھال سرکنوکانی رِد ءَ، ھماں وھدا کہ اے نزامی کارمند وتی لوگییے ھوری ءَ چہ سپاھئے ماڑی ءَ ڈنّ ءُ وتی زاتی گاڑی ءَ گوں روگ ءَ بوتگ کہ سلاہ بندین ءُ بے پجّاریں مردمان ءَ آیانی سرا تیرگواری کرتگ۔ آییا تیر وارتگ ءُ ساہ داتگ۔ آییئے لوگی ءَ ھم چُنت تیر لگّتگ ءُ سکّ ءَ ٹپّیگ بوتگ۔ آییئے لوگی پہ درمان ءَ نادراہجاہ ءَ سرکنگ بوتگ، کہ چُنت ساھت ٹپّانی درد ئے سگّگ ءَ رَند، ماں شستون ئے نادراہجاہ ءَ ساھی داتگ.
ھمیں تَچکی ءَ، سرکاری میڈیا چُش کہ تسنیم ءَ اے ھال شِنگ کرتگ ءُ اِشیا یک تروریستی اُرشی زانتگ ءُ اے گپّ ءَ اشارتی نہ کرتگ کہ آیی سپاہ ئے چیریں ادارھئے کارمند بوتگ۔ ھال اے پئیما شِنگ بوتگ کہ سلاہ بندیں مردمان ءَ گاڑییے سرا کہ یک ھاندانئے مردم نندوک بوتگ اَنت تیرگواریش کرتگ۔ اے تیرگواری ءَ مردی کہ آییئے ھاندانئے نام اربابی اِنت کُشگ ءُ آییئے لوگی رَند چه ٹپّان ساهی داتگ.
داں انگت ءَ ھچ گلی ءَ اے تیرگوارییے زمّهواری نہ منّتگ.
Be the first to comment