رَسانک نیوز/ دوشمبے 8 تیر ماہ 1405 ءِ شپ ءَ، چهبار ءَ بلوچی کہ وتی زاتی گاڑی ءَ گوں روگ ءَ بوتگ چہ سلاہ بندین ءُ پجّار نہ بوتگیں مردمانی تیرگواری ءَ، گاڑییے کنٹرول چہ آییئے دست ءَ در آتکگ ءُ لیٹ وارتگ، چہ بازیں ٹپّان ءَ ساھی داتگ.
رَسانک ءَ اے بلوچئے پجّار «امیرھمزہ کمبرزھی»، کِساس 28 سالگ، مُستپا ئے چُک، بُندر ءَ دُزاپ ءِ نندوک زانتگ.
رَسانک ءِ ھال سرکنوکانی رِد ءَ، اے بلوچ پہ وتی زاتی کارانی ٹاھینگ ءَ چهبار ءَ شُتگ کہ شهر ئے نزّیک ءَ سواری گاڑییے نندوکاں آییئے پدا کپتگ ءُ تیرگواریش کرتگ، آییا تیر وارتگ ءُ گاڑی لیٹ گپتگ.
ھال سرکنوکان ءَ گوَشتگ: بید چہ تیر ئے ورگ ءَ اے بلوچ چہ گاڑییے لیٹ گِرگ ھم سکّ ءَ ٹپّیگ بوتگ ءُ ساھی داتگ.
داں انگت جنوکانی پجّار ءُ آیانی سئوب زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment