رَسانک نیوز/ مروچی شمبے 16 ھُرداد ماہ 1405، بلوچی کہ اردیبهشت ماہ ئے میانجی ءَ دُزاپ ءِ امنیتی ٹولی ءَ دزگیر کرتگ، ماھی ءَ رَند داں انگت ءَ لوگئے مردمان ءَ آییئے جاور، دارگئے جاگہ ءُ سرا بستگیں تهمت ئے بارئوا ھچ ھالے سرپد ئے دست نہ کپتگ.
اے بلوچئے پجّار «یاسر شہبکش»، 27 سالگ، گُل اھمد ئے چُک، دُزاپ ءِ نندوکیں مردمی زانگ بوتگ.
اے ھالئے رِد ءَ، یاسر ماں دُزاپ ءِ سئدی روڈ ءَ چہ میوگئے بها کنگ ءُ دست پِنچی کار ءُ سوداگری ءَ گُزران کرتگ۔ اردیبهشت ماہ 1405 ءِ میانجی ءَ امنیتی ٹولی ءَ دزگیر ءُ چیریں جاگهی بُرتگ۔ اے بلوچ دزگیر بئیگ ئے روچ ءَ بید چہ کسئور ءُ مئیار ئے گوَشگ ءَ دیمی دارگ بوتگ ءُ داں انگت ءَ ھاندان ئے مردمان ءَ آییئےھالے سرپدئے دست نہ کپتگ.
گوشنت کہ لوگئے مردمانی رَندگیری پہ آییئے ھالے سرپدئے دست کپگ داں انگت ءَ بے نتیجگ منتگ اَنت ءُ اے گپّ ءَ آیانی دل پریشانی گیش کرتگ.
Be the first to comment