گِہ ءَ بلوچی چُکّییے بے ھالے سرپدی کہ سلاہ بندیں مردمان ءَ آوار جتگ، برجاہ اِنت

رَسانک نیوز/ چارشمبے 6 ھُرداد ماہ 1405، گہ ءَ بلوچیں چُکّی کہ پنچ روچ پیش آوار جنَگ بوتگ داں انگت ءَ آییئے ھسلے سرپدئے دست نہ کپتگ۔ جمے روچ 1 ھُرداد ماہ ءَ سلاہ بندیں مردمان ءَ ھماں وھدا اے چُک آوار جتگ کہ ڈکّ ئے تها وتی لوگئے دیما گوں ھمسروکان ءَ گوازیا دلگوش بوتگ۔ سواری گاڑییے نندوکانی اُرش ءَ پہ زور آوار جنَگ ءُ چیریں جاگهی بَرَگ بوتگ۔ اے جاوراں ھاندان ءُ لوگئے مردمانی دل پریشانی گیش کرتگ.

رَسانک ءَ اے بلوچیں چُکّئے پجّار «مهمد‌ھسیب رئیسی»، 7 سالگ، ابدلوھاب ئے چُک، گِہ ئے نندوکیں مردمی زانتگ.

رَسانک ءِ ھال سرکنوکانی رِد ءَ، سلاہ بندیں مردماں کہ پجّاہ آرگ بوتگ اَنت، پد چہ اشیا کہ آییا چہ لوگئے ڈکّ ءَ بید چہ پیسریگیں جار ءُ ٹکّر ءَ آوارِش جتگ، چہ جاہ ءَ در شُتگ اَنت۔ داں انگت ءَ ھاندان ئے رَندگیری پہ آییئے جاور ئے زانگ ءَ ھچ پئیمیں روژنیں پسّویی دئیگ نہ بوتگ۔ آییئے شوھاز کنگئے جُهد بے نتیجگ منتگ اَنت.

رَسانک ءِ ھال سرکنوکانی رِد ءَ، اے چُکّئے پت ءَ گوں ھچ مردم یانکہ گلی ءَ نہ زاتی جیڑھی ءُ نہ کہ مالی جنجالی بوتگ۔ ھاندانئے نزّیکان ءَ گوَشتگ: آییئے جندا گوں آوار جنوکان ءَ ھچ پئیمیں پیسریگیں بیهار ءُ جنجالی نہ بوتگ پدا ھم اے چُک ھماں وھدا آوار جنَگ بوتگ کہ اُرش کنوکان ءَ بید چہ پیسریگیں گپّ ءُ ھبرا، ڈکّ ءَ تها بوتگ اَنت ءُ چُک اِش آوار جتگ.