دشتیاری ءَ بلوچے ماں وتی زاتی لوگ ءَ گوں کارچ ءَ کُشگ بوتگ

رَسانک نیوز/ پنچشمبے 14 آبان ماہ 1405 ءِ بانگواہ ءَ، دشتیاری ئے ریکوکش دمگ ءَ بلوچے ھما وھدا که وتی لوگ ئے تها واب بوتگ، سلاہ‌بندین ءُ پَجّار نه بوتگیں مردمانی اُرشئے دپ ءَ کپتگ ءُ گوں کارچ ءَ کُشگ بوتگ.

رَسانک ءَ اے بلوچئے پجّار «تاج‌مهمد آرا»، پتئے‌مهمد ئے چُک، چهبار ئے جهمنند ءُ کسرکند ئے تلنگ زِلّها دیرمان دمگئے نندوک زانتگ.

رَسانک ءِ ھال سرکنوکانی رِد ءَ، ھما وھدا که اے بلوچ وتی لوگئے تها واب بوتگ بے پجّاریں مردمان ءَ آییئے سرا اُرش کرتگ ءُ گوں کارچ ءَ آییئے ساھش گپتگ.

ھال سرکنوکان ءَ گوَشتگ: تاج‌مهمد ءَ گوں ھچ کس ءَ جیڑہ ءُ جنجالے نه بوتگ. داں انگت ءَ جنوکانی پجّار ءُ آیانی سئوب زانگ نه بوتگ ءُ نه که اے گپّ که آیاں چے وڑا لوگ ءَ تها بوتگ اَنت زانگ بوتگ.