رَسانک نیوز/ چارشمبے 9 اردیبهشت ماہ 1405 ءِ بیگاہ ءَ، راسک ءَ سلاہ بندیں مردمانی نزامی گاڑیانی کاروان ئے سرا تیرگواری ءَ، سپاہ ئے کمانڈر ءَ تیر وارتگ ءُ ٹپّیگ بوتگ۔ اے وھدا آیی ماں یکّی چہ دُزاپ ءِ نادراہجاھان ءَ بستری اِنت.
اے نزامی کارمند ئے پجّار «مهمود باگبانی»، سپاہ ئے بسیجئے کمانڈر گوَشگ بوتگ، کہ بانگواہ ئے وھدا جکیگور ئے ڈنّ بوھگئے راہ ءَ تیرانی دپ ءَ کپتگ ءُ ٹپّیگ بوتگ.
اے ھالئے رِد ءَ، سرھنگ باگبانی ئے نزامی کاروان کہ سئے گاڑی بوتگ اَنت، راسک ءِ جکیگور دمگئے ڈنّ بوھگ ءِ راہ ءَ سلاہ بندیں مردمانی تیرانی دپ ءَ کپتگ، اے تیرگواری ءَ سرھنگ باگبانی ءَ تیر وارتگ ءُ ٹپّیگ بوتگ، بید چہ سرھنگ باگبانی ءَ لهتیں چہ آییئے ھمراھان ءَ ھم تیر وارتگ ءُ ٹپّیگ بوتگ اَنت کہ داں انگت ءَ آیانی کچّ ءُ پجّار زانگ نہ بوتگ.
پیشترا سرکاری میڈیا ءَ ھال شنگ کرتگ کہ چہ سلاہ بندیں مردمانی کمین ءُ سپا ہ ئے گاڑیانی کاروان ئے سرا تیرگواری ءَ ماں 9 اردیبهشت ماہ 1405 ءِ بانگواہ ءَ نزامیان ءَ جانی نُکس ءُ تاوان نہ بوتگ.
Be the first to comment