رَسانک نیوز

دوشمبهئے رۆچا ۲۵ تیر ۱۴۰۳، یک جهمنندێن بلۆچے دُزآپئے تها، نامالومێن مردمانی دستا گۆن ترندێن چیزّے جنگ و شوگرئے گۆما بَرگ بئیگ بوتگ و ساهئے بندیئے گۆما وتی جانی چه دستا داتگ.

اے جهمنندێن بلۆچئے پجّار (آرپ شیکردگ)، ۳۳ سالگ، اَبدُلّاهئے چُکّ، دُزآپئے نندۆک گوَشگ بوتگ.

گوَشگی اِنت که دوشمبهئے رۆچا نامالومێن مردمان رَند چه اِشیا که آرپ گۆن ترندێن چیزّیئل گۆما جتگ و شوکرئے گۆما برگ داتگ آییئے گُٹّا تنابے داتگ و آییِش بے ساه کُرتگ و آییئے بے ساهێن لاش هاتمُ الانبیائے نادراهجاهئے کرّ و گوَران وئیل کُرتگ.

چه جنۆکانی پجّار و جنَگئے سئوبا تان اے هبرئے نبیسگئے وهدا هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.